Haugespor
Eit jubileumsspel i Hans Nielsen Hauge sine fotspor
– 250 år etter hans fødsel.
HAUGESPOR
– Skaparånd, spetakkel …
og strikkepinnar
.
Haugespel i 2022?
I skrivande stund er det sett opp tre Haugespor vinter/vår 2022. Og me har også fleire førespurnader. Kanskje de vil ha besøk? Me kjem gjerne til dykk om de vil. «Haugespor» er minst like aktuelt og artig i 2022 som i 2021. Publikumsresponsen i 2021 var formidabel.
Ta kontakt: tor@ryfylkelivsgnist.no
Kvifor eit jubileumsspel om Hans Nielsen Hauge?
Vil du læra, le og bli riven med? Av myndige bondekoner, sjølvgode potetprestar, håplause lensmenn og trongsynte pietistar? Hans Nielsen Hauge og haugianismen er ein himmelsk lapskaus av kvardagsliv, åndsliv, næringsliv, fattigdom, rikdom, konfliktar og omsorg. Haugerørsla har sett djupe spor i landet generelt og Vestlandet spesielt. Ryfylke Livsgnist presenterer eit historisk og humoristisk skråblikk på haugianismen, 250 år etter Hauge sin fødsel. Me trur jubileumsspelet kan hjelpa oss å sjå kvifor me blei som me blei her landet.
Om jubileumsspelet
Bli med tilbake til perioden 1796 til 1842, og opplev kva som skjedde i bygd og by i landet og på Vestlandet – med ein hyperaktiv, strikkande Hans Nielsen Hauge i front. Møt dei som var med og mot, forfølgjarar og etterfølgjarar. Musikalske perler, gripande situasjonar og gapskrattande scener kjem på løpande band. Fire skodespelarar og musikar speler 30 roller i løpet av halvannan time. Lek og lærd, styrande kvinner og myndige menn, bønder og handelsfolk, biskop og lensmann, alvorstynga predikantar og lystige haugianarar. Haugespor er ei førestilling som kan spelast i kyrkjer, konferanselokale, bedehus, gymsalar, industrikantiner, ja der folk kan samlast. Me speler gjerne der du ønskjer.
Illustrasjon: Jens Flesjå
Her har me spelt «Haugespor»
9. mai – Utstein kloster x2
27. mai – Sauda kyrkje
28. mai – Hinna kirke
30. mai – Hesby kyrkje, Finnøy x2
6. juni – Frøyland og Orstad kyrkje, Klepp
10. juni – Aksdal kyrkje i Tysvær
16. juni – Varen: Randaberg kulturscene
19. juni – Øye kyrkje, Surnadal
20. juni – Molde Domkyrkje
21. juni – Langevåg kyrkje, Sula
22. juni – Volda kyrkje
25. august – IMI-kyrkja, Stavanger
29. august – Skjold kyrkje, Vindafjord
10. september – Egersund kyrkje
17. september – Tau nye kyrkje, Strand
21. september – Sandefjord kunst- og kulturkirke
22. september – Strømsø Kirke, Drammen
23. september – Ål kyrkje, Hallingdal
24. september – Stord Kulturhus, Leirvik
30. september – Bryne kyrkje
6. oktober – Misjonssalen Sandnes
7. oktober – Vigrestad Misjonshus
14. oktober – Stiftsdagar, Tromsø domkyrkje
28. oktober – Hauges Minde, Rolvsøy i Fredrikstad
29. oktober – Kongsberg Kirke
30. oktober – Larvik kyrkje
4. november – Friskulekonferanse NLM, Sandefjord
10. november – Sola Kyrkje
10. november – Prostisamling, St. Petri kyrkje, Stavanger
13. november – Foreldredag Lundeneset vgs, Vindafjord
15. november – Haga kyrkje, Samnanger
16. november – Norheimsund kyrkje
17. november – Stiftsdagar, Grieghallen, Bergen
18. november – Strusshamn Kirke, Askøy
24. mars – Husnes Kulturhus, Kvinnherad
21. april – Hesby kyrkje, Finnøy
24. april – Lyngdal Kirkesenter
Vil de at me skal koma og spela hjå dykk?
Ta kontakt på tor@ryfylkelivsgnist.no / 982 06 333.
Haugeskråblikk
Ryfylke Livsgnist tilbyr Haugegleder i tillegg til sjølve førestillinga Haugespor. Til temakveldar, konferansar, seminar mm. Sjå her.
KVEN VAR HANS NIELSEN HAUGE (1771-1824)
Han var modig, målretta og hadde stor arbeidskapasitet. Hans Nielsen Hauge starta det som må kallast Norges første, store grasrotrørsle. Målet var å gje folk ei bevisst tru, sjølvtillit, moglegheiter og arbeid. Hauge blei motarbeidd av embetsverket, forfølgd og fengsla. Han døydde svak og sjuk, berre 53 gammal. Men, lekpredikanten, samfunnsbyggjaren, entreprenøren, forfattaren, likestillingsforkjemparen og handelsmannen Hauge hadde då sett i gang ei stor endring av det norske samfunnet. – Hauge er arkitekten bak det moderne Norge, vil mange hevda. Martin Luther endra Tyskland. Hans Nielsen Hauge endra Norge. To sider av same sak. Bli gjerne meir kjent med Hans Nielsen Hauge i 2021, gjennom bøker, spel, føredrag og ikkje minst med å lesa meir om bondesonen frå Østfold på www.haugesminde.no.
For ungdom:
Hans og Gustava – to spor på same snodige veg
Ein historietime om haugianarar, brødrevener, Hans Nielsen Hauge, Gustava Kielland og ganske så heftig tysk påverknad. Kan det vera spennande då? Tor Øyvind Skeiseid har laga eit spesielt skråblikk som passar for ungdom!
Sjå tilbakemeldingar frå 3. klasse Studiespesialisering ved St. Olav vgs i Stavanger:
Veldig karismatisk mann, interessant og morsomt å høre på foredraget. Ettersom jeg veldig lett mister oppmerksomhet på skolen ellers, syns jeg at presentasjonen var spessielt effektiv og sammensatt på en gøy måte.
God og tydelig presentasjon. Jeg liker at du setter det inn i en litt mer personlig sammenheng. En god kombinasjon av faktabasert informasjon og humor.
En av de mest engasjerende foredragene jeg har deltatt på. Jeg ble positivt overrasket ettersom dette temaet vanligvis er noe jeg syns er mindre interessant. Du holdt meg og publikum engasjert!
AKTØRANE
Ryfylke Livsgnist har opp gjennom åra sett opp fleire ulike kulturhistoriske spel og førestillingar. Blant anna Spelet om Ogmund Finnsson, Luther med latter, Nåde og Historisk vandreteater i Tyskerhålene for å nemna nokre av dei største. Tor Øyvind, Silje, Tolli og Svanhild har hatt sentrale roller i alle desse oppsetnadane.
Musikalsk ansvarleg Aril er ein drivande dyktig gitarist, produsent, komponist, arrangør og dirigent. Bjørn Erik er gitarist, som har mangfaldige konsertar bak seg. Ryfylke Livsgnist har hatt fleire vellukka samarbeid med både han og Aril. Ingrid har stått på scenen i årevis, først og fremst som songar, både som soloartist og ein av frontfigurane i Stavanger Gospel Company.
Tor Øyvind Skeiseid
Skodespelar og manusforfattar
Silje Vignes Flesjå
Skodespelar
Tolli H. A. Frestad
Skodespelar
Svanhild Eggebø Spanne
Skodespelar
Aril Schøld
Musikalsk ansvarleg
Bjørn-Erik Zahl
Gitarist
Ingrid Kjosavik
Skodespelar
Foto: Geir Landa
SAMARBEIDSPARTNARAR
Gode samarbeidspartnarar er viktig. Me jobbar tett saman med Stavanger bispedømmekontor i samband med Haugeåret. Rogaland fylkeskommune har ei aktiv haldning til å støtta gode, kulturelle prosjekt i Rogaland. I tillegg har me fått støtte frå både Epafras legat, som gjennom mange år har støtta kulturelle og historiske satsingar, Stiftelsen Fritt Ord, som jobbar for å fremja ytringsfridom, offentleg debatt, kunst og kultur, og Bergesenstiftelsen, som er ein privat stiftelse som mellom anna støttar ulike kulturelle formål. Vår heimkommune Stavanger kommune er også ein viktig støttespelar i Haugeprosjektet.
Epafras legat
Biskopen og lekmannen
Bli med og strikk Haugevotten!
Kva med å feira jubileumsåret for Hans Nielsen Hauge på skikkeleg Haugevis, nemleg med strikking?
I samarbeid med Stavanger bispedømmekontor er det laga ei heilt eiga strikkeoppskrift på Haugevottar.
Klikk deg inn på biletet til høgre for å lese meir og for å laste ned gratis strikkeoppskrift på Haugevotten.
